Ang Santa Maria Water District (SMWD) ay nagpapaabot ng abiso sa lahat ng aming concessionaire na magkakaroon ng pansamantalang pagkawala ng suplay ng tubig bunsod ng emergency shutdown ng ating bulk water supplier, PhilHydro. Ang nasabing pagkilos ay kinakailangan dahil sa pagkakaroon ng tagas sa kanilang pangunahing linya ng tubo na nagdulot ng mababang presyon at mabilis na pagbaba ng antas ng tubig sa kanilang Water Treatment Plant storage.

Dahil sa pagkasira ng ilan sa kanilang mga balbula, hindi maisagawa ang isolation ng apektadong bahagi ng linya. Kaugnay nito, kinakailangang ihinto ang operasyon ng kanilang booster pump station upang maisagawa ang kinakailangang pagkukumpuni.

Inaasahang magsisimula ang mababa hanggang sa kawalan ng presyon ng tubig sa Agosto 13, 2025 ganap na ika-10 ng gabi. Batay sa initial target na matapos ang pagkukumpuni, ang normal na suplay ng tubig ay inaasahang magbabalik bandang alas-12:00 ng tanghali sa Agosto 14, 2025. Gayunpaman, maaaring mas maaga o mas huli ang pagbabalik ng normal na suplay depende sa aktuwal na bilis ng pagkumpleto ng pagkukumpuni at sa panahon ng pagbalik ng normal na presyon sa buong system ng distribusyon ng tubig.

Hinihikayat ang lahat na mag-ipon ng sapat na malinis na tubig at maging maingat sa paggamit nito hanggang sa bumalik ang normal na daloy. Pinapayuhan din ang lahat na tiyaking nakasara ang mga gripo upang maiwasan ang biglaang pag-agos at pag-aaksaya ng tubig sa oras ng pagbabalik ng suplay.

Kami ay humihingi ng paumanhin sa anumang abalang maidudulot nito at lubos na nagpapasalamat sa inyong pang-unawa at pakikipagtulungan. Para sa karagdagang impormasyon at mga real-time na anunsyo, maaaring bisitahin ang aming opisyal na Facebook page.